الرسم من أحب هواياتي، ولكن مب الرسم بالألوان وبأقلام الرصاص!! لأ،،، أحب الرسم على برنامج الـ (Paint) العادي، اللي يسمونه البعض بـ (برنامج اليهال)!!! المهم إني ما أحب أرسم إلا فيه، ما بقولكم احترفته، بس صار عندي مثل القراءة والكتابة، بالرغم من إن كثييييير قالوا لي إن الرسم بالماوس (بالفأرة) وايد صعب، فأنا أقولهم هو مب صعب!! هو هلاك الصراحة لأني للحين أعاني من ايدي اللي تعودت على الرسم باللاب توب يعني مب بماوس عادي لكمبيوتر عادي!!! لكني تعودت وصرت مدمنة على الرسم وخاصة الجانب الكاريكاتيري، فراح أعرض ست من لوحاتي المتواضعة اللي رسمتها بالكمبيوتر طبعا ما استخدمت الفوتوشوب اللي يستخدمه الرسامين عادة، بس ليش إني حبيت تكون صناعة اللوحة صناعتي أنا الخاصة بدرجة 100%، من ناحية اختياري لتدرجات الألوان والخطوط، بدون ما أخلي عامل ثاني يساعدني في اللوحة (طبعا أكيد إلكم راي ثاني، وأنا أحترمه بس هذي نظريتي أو بالأحرى قناعتي) وبعدين لأني حبيت أحول برنامج اليهال (الأطفال) إلا شي ممكن الواحد يستفيد منه، صح ممكن تكون اللوحات اللي بالإيد أو بالفوتوشوب أحسن من اللوحات اللي تصير بهذا البرنامج، بس القصد إن حن نقدر نستغل هذا البرنامج في أشيا ثانية منها التسلية بالدرجة الأولى..

Fruits

The Cave

Seven Emirates

Accessories

Torn Heart

Vase